Ferill 285. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 876 — 285. mál.
Svar
fjármála- og efnahagsráðherra við fyrirspurn frá Þorsteini Sæmundssyni um upplýsingafulltrúa og samskiptastjóra.
1. Eru upplýsingafulltrúar eða samskiptastjórar starfandi í ráðuneytinu? Ef svo er, hver er árlegur heildarkostnaður síðustu tíu ár vegna starfa viðkomandi, sundurliðað í laun og annan kostnað?
Upplýsingafulltrúi er starfandi í fjármála- og efnahagsráðuneytinu. Árlegur launakostnaður síðustu tíu ár með launatengdum gjöldum vegna þessarar stöðu er eftirfarandi:
2011 | 7.359.471 |
2012 | 8.574.104 |
2013 | 10.343.800 |
2014 | 9.561.909 |
2015 | 10.293.625 |
2016 | 11.174.409 |
2017 | 13.081.922 |
2018 | 14.107.391 |
2019 | 14.310.490 |
2020 | 14.895.108 |
Að auki er símakostnaður upplýsingafulltrúa greiddur.
2. Eru upplýsingafulltrúar eða samskiptastjórar starfandi hjá undirstofnunum ráðuneytisins? Ef svo er, hver er árlegur heildarkostnaður hverrar stofnunar síðustu tíu ár vegna starfa viðkomandi, sundurliðað í laun og annan kostnað?
Upplýsingafulltrúar eða samskiptastjórar eru almennt ekki starfandi hjá undirstofnunum ráðuneytisins að Framkvæmdasýslu ríkisins undanskilinni en þar hefur samskiptastjóri verið starfandi frá árinu 2017. Árlegur launakostnaður vegna þess starfs frá árinu 2017 með launatengdum gjöldum og öðrum rekstrarkostnaði er eftirfarandi:
2017 | 6.970.000 |
2018 | 10.390.000 |
2019 | 14.010.000 |
2020 | 14.890.000 |