Ferill 885. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1324 — 885. mál.
Fyrirspurn
til heilbrigðisráðherra um læknisþjónustu á Snæfellsnesi.
Frá Teiti Birni Einarssyni.
1. Hvernig er læknisþjónustu á Snæfellsnesi háttað? Hversu marga daga var enginn læknir tiltækur á Snæfellsnesi árið 2023, sundurliðað eftir sveitarfélögum?
2. Hversu margir heilbrigðisstarfsmenn eru með fasta viðveru á Snæfellsnesi, sundurliðað eftir árum frá 2014? Hversu margir læknar hafa fasta búsetu á Snæfellsnesi og hvar starfa þeir?
3. Hversu margir starfsmenn starfa á heilsugæslustöðvum og deildum í Snæfellsbæ, á Grundarfirði og í Stykkishólmi? Hve margir þar af eru heilbrigðismenntaðir?
4. Til hvaða ráðstafana, ef nokkurra, hefur Heilbrigðisstofnun Vesturlands gripið til að treysta læknisþjónustu á Snæfellsnesi frá árinu 2019? Hefur ráðuneytið lagt mat á slíkar ráðstafanir og árangur þeirra?
5. Hefur ráðherra í hyggju að koma á fót á sérstöku þróunarverkefni um bætta læknisþjónustu á Snæfellsnesi, í samstarfi við sveitarfélögin á svæðinu, þar sem litið verður á Snæfellsnes sem sérstaka einingu innan Heilbrigðisstofnunar Vesturlands og að teymi heilbrigðisstarfsfólks á svæðinu sinni ávallt grunnheilbrigðisþjónustu?
Skriflegt svar óskast.