26.02.1985
Sameinað þing: 54. fundur, 107. löggjafarþing.
Sjá dálk 3252 í B-deild Alþingistíðinda. (2729)
265. mál, sala á fiski erlendis
Fyrirspurnin hljóðar svo:
1. Hve mikið af ferskum fiski var flutt í gámum til sölu erlendis frá einstökum verstöðvum á s.l. ári? Tilgreint sé magn einstakra fisktegunda frá hverri verstöð ef unnt er.
2. Hve mikið verð fékkst fyrir þennan útflutning frá hverri verstöð?
3. Hvert var meðalsöluverð hverrar fisktegundar að frádregnum sölukostnaði?
Svar:
1. Samkvæmt upplýsingum Fiskifélags Íslands liggja eftirfarandi bráðabirgðatölur fyrir um útflutning á ferskum fiski í gámum árið 1984. Tölur miðast við óslægðan fisk, ekki reyndist unnt að tilgreina magn einstakra fisktegunda.
tonn
Vestmannaeyjar
1077
Eyrarbakki
88
Þorlákshöfn
2169
Grindavík
981
Sandgerði
550
Garður
1808
Keflavík
784
Vogar
254
Hafnarfjörður
717
Kópavogur
466
Reykjavík
2849
Akranes
342
Hellissandur
23
Ólafsvík
91
Patreksfjörður
21
Tálknafjörður
405
Þingeyri
25
Flateyri
235
Bolungarvík
118
Ísafjörður
640
Súðavík
119
Siglufjörður
7
Bakkafjörður
9
Seyðisfjörður
208
Neskaupstaður
2133
Eskifjörður
9
Samtals:
16128
2. Ekki er unnt að veita svar við þessari spurningu þar sem fiski er í mörgum tilfellum safnað frá mörgum verstöðvum og fiskibátum. Hins vegar ber þess að geta að vegna stóraukins útflutnings á ferskum fiski í gámum á uppboðsmarkað erlendis hefur ráðuneytið sett nýjar reglur sem kveða á um að gerð sé ítarleg grein fyrir magni hverrar fisktegundar í hverjum gámi, hver sé eigandi aflans og nafni veiðiskips. Þessar reglur voru settar um síðustu áramót og ættu að auðvelda gagnasöfnun.
3. Ekki er unnt að gefa svar við þessari spurningu þar sem söluverði einstakra fisktegunda er ekki haldið aðgreindu við lokauppgjör banka hérlendis vegna sölu á ferskfiski á erlendum markaði.