stækkun friðlandsins í Þjórsárverum.
Hæstv. forseti. Ég ætlaði að þakka fyrir yfirlýsingu hæstv. umhverfisráðherra úr þessum ræðustóli þar sem hún tekur af öll tvímæli um vilja sinn hvað varðar stækkun friðlands í Þjórsárverum. Ég fagna því að starfshópur skuli vera farinn af stað. Ég treysti því að áfram verði unnið að málinu í umhverfisráðuneytinu svo það fái framgang og því ljúki með farsælli stækkun friðlandsins.
En hvað það varðar að koma því á heimsminjaskrá Sameinuðu þjóðanna þætti mér fengur að því að fá hæstv. umhverfisráðherra til að segja nokkur orð um hvort slíkt sé í undirbúningi og hvort hún muni beita sér fyrir því að af slíku geti orðið.