jöfn staða og jafn réttur kvenna og karla.
Frú forseti. Ég vil þakka hæstv. félagsmálaráðherra fyrir þetta svar og bind vonir við að þetta atriði verði tekið til sérstakrar skoðunar. Þá væri ekki um að ræða fjölgun í ráðinu frá því sem nú er því að mér skilst að ráðið hafi verið skipað 9 fulltrúum og gert er ráð fyrir því í frumvarpinu að það verði skipað 8 fulltrúum. Ekki yrði um að ræða fjölgun í ráðinu þó að sveitarfélögin ættu einn fulltrúa þar. Í ljósi þess sem hæstv. félagsmálaráðherra sagði í svari við andsvari mínu bind ég vonir við að hún sé reiðubúin til að tala fyrir því og að nefndin taki það til skoðunar.