ríkisábyrgð á lántöku Tryggingarsjóðs innstæðueigenda og fjárfesta.
Frú forseti. Ég er sammála því mati að núverandi ríkisstjórn er því miður illa treystandi til að nýta þá þó tiltölulega sterku stöðu sem við þrátt fyrir allt höfum enn í málinu, svo ekki sé minnst á ef staðan væri eins sterk og hún var á sínum tíma áður en ríkisstjórnin klúðraði hverju málinu á eftir öðru. En oft og tíðum hefur það ekki aðeins verið svo að það hafi vantað sannfæringuna hjá stjórninni eða viljann til að vinna í þessu. Það þarf ekki að rifja upp hvernig samskiptum við önnur lönd hefur verið háttað, við forsætisráðherra annarra landa. En í því birtist að þetta var aldrei gert að pólitísku máli. Það var aldrei leyst á milli forsætisráðherra, þeir töluðust ekki við, það bárust ekki einu sinni svör við bréfum. Er það ekki einn af grundvallargöllunum á því hvernig á þessu hefur verið haldið að málið hafi ekki verið leyst á þessum pólitíska grunni?