ríkisábyrgð á lántöku Tryggingarsjóðs innstæðueigenda og fjárfesta.
Herra forseti. Það er mín skoðun að þessi umræða hafi verið afvegaleidd ótrúlega mikið, að hún standist ekki. Við stöndum frammi fyrir 2.300 milljörðum. Það er kjarni málsins. Ofan á það bætist Icesave. Eigum við að taka þann slag eða ekki? Eigum við að fara aftur í að semja? Eigum við fara aftur í dómsmál eins og þingmenn Sjálfstæðisflokksins mæla með, sem þeir gáfu frá sér í desember 2008 gegn stórum andmælum mínum? Þeir gáfu það svo harkalega frá sér, undir hjásetu Framsóknarflokksins, (SDG: Hvaða vitleysa er þetta?) að þeir létu ekki einu sinni (SDG: Rugl.) (Forseti hringir.) reyna á það (Forseti hringir.) að kæra beitingu Breta á (Forseti hringir.) hryðjuverkalögum gagnvart okkur. (Forseti hringir.) Hverju svarar hv. þm. (Forseti hringir.) Ragnheiður Ríkharðsdóttir því? (Forseti hringir.)
(Forseti (ÁÞS): Forseti biður hv. þingmenn að virða tímamörk.)