ríkisábyrgð á lántöku Tryggingarsjóðs innstæðueigenda og fjárfesta.

Virðulegi forseti. Ég kem hingað upp til þess að ítreka fyrirspurn hv. þm. Eyglóar Harðardóttur þess efnis hvort sá fundur með formönnum þingflokka og forseta, sem tilkynnt var fyrr í kvöld að stæði jafnvel til að halda en ekki var tímasettur — hvort frú forseti geti upplýst okkur um það að sá fundur verði haldinn á næstunni. Ég spyr líka hvort forseti geti staðfest það sem kom fram hjá þeim forseta sem hér sat, varaforseta, að þingfundur væri fyrirhugaður í fyrramálið, kl. hálfellefu, hvort það sé rétt.

En sérstaklega hefði ég mikinn áhuga, frú forseti, á að vita hvort til stendur að halda fund með formönnum þingflokka hér á næstu mínútum eða klukkutímum.