árlegur vestnorrænn dagur.
Virðulegi forseti. Ég mæli fyrir nefndaráliti utanríkismálanefndar. Nefndin var einhuga um þetta nefndarálit.
Með tillögunni, sem kemur frá Íslandsdeild Vestnorræna ráðsins, er lagt til að Alþingi skori á ríkisstjórnina að gera samkomulag við landsstjórnir Færeyja og Grænlands um stofnun vestnorræns dags sem haldinn verði hátíðlegur árlega til skiptis í einu vestnorrænu landanna.
Markmið vestnorræna dagsins á Vestur-Norðurlöndum yrði að marka vestnorræna sögu og menningu í löndunum sjálfum og auka þar með samband þeirra og samkennd.
Nefndin tekur undir það sjónarmið sem fram kemur í umsögn mennta- og menningarmálaráðuneytisins, að eðlilegt sé að Norrænu húsunum í Færeyjum, Grænlandi og Íslandi verði falið að standa að skipulagningu Vestnorræns dags, verði honum komið á.
Nefndin leggur til að tillagan verði samþykkt óbreytt.