þingmennskuafsal Steinunnar Valdísar Óskarsdóttur.
Við þingmennskuafsal Steinunnar Valdísar Óskarsdóttur vil ég fyrir hönd Alþingis færa henni þakkir fyrir störf hennar á vettvangi þingsins. Hún kom til starfa á Alþingi óvenjurík af reynslu úr sveitarstjórnarmálum og þess hefur Alþingi notið á meðan hún hefur setið hér, ekki síst í annasömu starfi sem formaður allsherjarnefndar. Ég vil þakka henni persónulega góð samskipti, einkum sem einni af varaforsetum þingsins á þessu kjörtímabili.
Ég óska henni, og ég veit að ég mæli fyrir hönd allra þingmanna, alls hins besta þegar þessi tímamót hafa orðið í lífi hennar.