samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.
Virðulegi forseti. Varðandi nefndarálitið er mér sagt af reyndari mönnum að það sé alls ekkert lögmál að menn skili framhaldsnefndaráliti og sérstaklega ekki ef ekki er farið fram á neinar breytingar. (GBS: En nýjar upplýsingar?)
Þegar ég tala um að hagsmunum Íslands sé best borgið með þessum ásættanlegu samningum er það vegna þess að efnahagsbatinn veltur á því að við vinnum okkur traust umhverfisins svo að fjármagn fari að berast hingað til landsins, bæði til fjárfestinga og til endurfjármögnunar. Lausn Icesave-deilunnar með ásættanlegu samkomulagi við nágrannaþjóðir okkar skiptir þar sköpum. Ef hv. þingmaður áttar sig ekki á þessu segi ég að hann sé úti á túni. (GBS: Þetta er bara bull.)