140. löggjafarþing — 106. fundur, 24. maí 2012.
ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.
636. mál
Frú forseti. Þetta mál snýst um sjálfstæði, fullveldi og sjálfsákvörðunarrétt þjóðarinnar. Við vitum nákvæmlega um hvað er verið að semja, ef samninga skyldi kalla í þessu innleiðingarferli, þ.e. að ganga í ESB á forsendum ESB, á grundvelli tilskipana sambandsins, sem ríkisstjórnin er á kafi við að innleiða (VigH: Rétt.) nú, og meginreglu þess sem felur í sér afsal á sjálfstæði okkar, fullveldi og sjálfsákvörðunarrétti. Annað er blekking.
Ég segi já.