140. löggjafarþing — 106. fundur, 24. maí 2012.
ráðgefandi þjóðaratkvæðagreiðsla um tillögur stjórnlagaráðs að frumvarpi til stjórnarskipunarlaga.
636. mál
Frú forseti. Þær tillögur sem eftir standa til afgreiðslu, aðrar en tillögur stjórnskipunar- og eftirlitsnefndar, hafa ekki hlotið þá faglegu skoðun sem lög um þjóðaratkvæðagreiðslur mæla fyrir um. (Gripið fram í.) Sumar þeirra eru lagðar fram að því er virðist í gríni og til þess eins að kasta vafa á þá atkvæðagreiðslu sem fram mun fara. Ég mun segja nei við öllum öðrum tillögum sem eftir standa en þeim sem koma frá stjórnskipunar- og eftirlitsnefnd.