aðildarviðræður við Evrópusambandið.
Virðulegi forseti. Nei, ég er ekki sammála því. Það væri ekki til mikils unnið að vera búin að ganga frá því erfiðasta fyrst, þá getur hinn bara sagt: Gleypið þá allt hitt, nú hafið þið fengið það erfiðasta í gegn, gleypið bara hitt. Nei, ég tel mjög eðlilegt að það erfiðasta komi síðast.
Hv. þingmaður segist skilja skýrsluna á þann veg að ekki sé um neinar varanlegar undanþágur að ræða. En það er ekki rétt, það hýtur að vera varanleg undanþága ef þú færð eitthvað skrifað inn í samninginn, sem er viðauki við stóra samninginn, og því verður ekki breytt nema með þínu atkvæði, þá hlýtur það að vera varanleg undanþága.
Ég sá einhvers staðar — ég finn það bara ekki, virðulegi forseti — að sagt var um fasteignir að ekki hefði fengist varanleg undanþága neins staðar en svo skemmtilega vildi til að innan sviga stóð svo: Nema í Danmörku og á Möltu. (Gripið fram í.) — Það stendur nú á Möltu. Þingmaðurinn veit þá betur en ég, bara meira í pokann.