umsókn Íslands um aðild að Evrópusambandinu dregin til baka.
Hæstv. forseti. Ég heyri að ég og hv. þingmaður erum sammála um að þetta er vond tillaga. Mér finnst það nefnilega skipta svo miklu máli að við hugsum um tillöguna í réttu samhengi. Þessi tillaga gjaldfellir stjórnmál, hún gerir lítið úr stefnuskrá flokka, hún gerir lítið úr stjórnmálamönnum. Mér finnst það vera hlutverk okkar í minni hlutanum að standa með kjósendum. Fyrir utan þá sem hafa undirritað þessa áskorun og þá sem mótmæla hér má sjá almenna andstöðu í skoðanakönnunum þannig að ég kalla eftir því að hv. þingmaður skipi sér í lið með okkur sem viljum þessa tillögu burt. (Forseti hringir.) Svik þurfa ekki efnislega umræðu. Þau eru svik (Forseti hringir.) og þau eiga ekki að sjást hér í þinginu.