áætlun um vernd og orkunýtingu landsvæða.
Hæstv. forseti. Það er kannski betra að gera ekki neitt en að gera tóma vitleysu. Ég held að það sé betra að við eyðum svolítið kröftum í það og það sé mikilvægt hlutverk ef við getum stoppað það ofbeldi sem hér hefur verið í gangi í sambandi við rammaáætlunina og þá vondu afgreiðslu sem er verið að reyna að berja í gegn.
Hæstv. forseti. Við höfum mikið rætt að hér þurfi að vera önnur mál á dagskrá. Mikið hefur náttúrlega verið rætt um kjarasamningana og að fá einhverjar upplýsingar um það hvað hæstv. forsætisráðherra ætlar að gera og hæstv. fjármálaráðherra. Það er dapurlegt að hlusta á þá þegar við erum komin með 45 daga verkfall, 46 daga í dag og aðrir á leiðinni í verkfall eins og hjúkrunarfræðingar. Á sama tíma segja menn bara: Ja, við bíðum eftir því að almenni markaðurinn semji. Svo þegar er gengið á þá, hvort þeir ætli að gera eitthvað: Jú, við erum búnir að bjóðast til að gera eitthvað ef einhver biður um eitthvað. Þetta er stjórnin á Íslandi í dag. Kannski er það besta sem þessi ríkisstjórn gerir að gera ekki neitt. Við getum því haldið umræðunni hérna áfram svo að hún geti haldið áfram (Forseti hringir.) iðjuleysi sínu á meðan.