kjaramál félagsmanna tiltekinna stéttarfélaga BHM og Félags íslenskra hjúkrunarfræðinga.
Hæstv. forseti. Ég styð ekki þessar breytingartillögur minni hlutans. Það er ljóst miðað við 3. gr. að gerðardómur getur eftir atvikum litið til annarra kjarasamninga varðandi lengd á ákvörðun gerðardóms. Jafnframt er þetta eitt af þeim atriðum sem aðilar vinnudeilunnar geta komið sér saman um, eins og getur um í 2. mgr. 3. gr., en þar kemur fram að komi aðilar sér saman um einhver efnisatriði í deilunni án þess að vilja gera um það dómsátt skuli kjaradómurinn taka mið af því.
Jafnframt er í 3. mgr. gert ráð fyrir að gerðardómurinn geti beitt sér fyrir samkomulagi eða dómsátt milli aðila um ákveðin atriði. Þannig að það eru ákvæði í frumvarpinu sem koma hér til.