veiðigjald.
Virðulegur forseti. Með nýjum hætti — það er greinilega dálítið nýr háttur á hérna þar sem þingmenn ríkisstjórnarinnar fara í óundirbúnar fyrirspurnir og til viðbótar í andsvör við meirihlutaþingmenn. Ég man ekki eftir að það hafi gerst neitt oft og alla vega ekki í framsögu. Það er ákveðin hlutverkaskipting hérna þar sem minni hlutinn er í eftirlitshlutverkinu frekar en þingmenn meiri hlutans. Við vitum það alveg. Þingmenn eru að sjálfsögðu bara bundnir sinni eigin sannfæringu upp á það að gera og allt í góðu með það. En það er ákveðin hefð sem er verið að brjóta í þessu sem hefur ekki gerst áður eins og bent var á hér áðan.
Aðeins meira úr ríkisstjórnarsáttmálanum:
„Auk þess vilja ríkisstjórnarflokkarnir ýta allnokkrum verkefnum úr vör með þverpólitískri nálgun og tryggja þar betur en venja er að sú fjölþætta þekking og reynsla sem þingið býr yfir nýtist í þágu lands og þjóðar óháð því hvaða flokkar skipa stjórn og stjórnarandstöðu á hverjum tíma.“
Þetta hljómar ekki eins og þetta sé í þessum anda og ég bara verð að koma því að.