brottvísun umsækjenda um alþjóðlega vernd.

Frú forseti. Hérna stöndum við eftir að þjóðinni er auðvitað gjörsamlega misboðið vegna þeirra brottvísana sem áttu sér stað fyrir nokkrum dögum. Fulltrúar flestra flokka hafa tjáð sig á einn veg, að kannski tveimur undanskildum. Ég kem hingað upp til að minna á loforð formanna stjórnmálaflokkanna sem sátu á þingi 2017, allra nema formanns Sjálfstæðisflokksins, um að það væri forgangsatriði að skýra betur útlendingalögin í þverflokkslegu samstarfi til að tryggja að vilji Alþingis kæmi fram við framkvæmd og átti sérstaklega að horfa til fólks í viðkvæmri stöðu, kvenna og barna. Núna legg ég til að þingmenn allra flokka á Alþingi sem styðja þessa nálgun kalli eftir þessari nálgun.