atkvæðagreiðsla um birtingu greinargerðar um Lindarhvol.
Virðulegur forseti. Ég vil taka undir þessa beiðni hv. þingmanns og ég vil líka ítreka beiðni mína til forseta um að birta þau lögfræðiálit sem liggja inni í forsætisnefnd og fjalla um þetta deilumál, um hvað standi í vegi fyrir því að greinargerð setts ríkisendurskoðanda í Lindarhvolsmálinu verði birt. Mér finnst rétt að við ræðum það hér fyrir opnum tjöldum. Hæstv. forseti hefur ítrekað vísað í að um þetta sé einhver ágreiningur. Ég veit til þess að þessi lögfræðiálit fjalla um þennan ágreining. Getur forseti vinsamlegast birt þessi lögfræðiálit á meðan hann er að velta vöngum yfir því hvort hann þori að birta greinargerð setts ríkisendurskoðanda?