Miðstöð menntunar og skólaþjónustu.
Virðulegi forseti. Við greiðum hér atkvæði um breytingar og stofnun nýrrar stofnunar menntamála og skólamála. Þessi breyting er hluti af stærri breytingum sem við erum að vinna að á menntakerfinu. Mig langar að segja það hér að við þurfum að stíga stór skref en við þurfum að vinna þau saman í góðri samvinnu og samstarfi um þessar breytingar líkt og verið hefur í samstarfi við nefndina en líka áframhaldandi breytingar. Mig langar í upphafi, áður en við förum í atkvæðagreiðsluna, að þakka nefndinni sérstaklega fyrir gott samstarf í þessu máli; framsögumanni, formanni nefndarinnar og öðrum nefndarmönnum og óska eftir áframhaldandi góðu samstarfi um nauðsynlegar breytingar á íslensku menntakerfi.