tímabundnar undanþágur frá skipulags- og byggingarlöggjöf og skipulagi.
Frú forseti. Ég þakka hæstv. innviðaráðherra fyrir svarið og ég er mjög ánægður að heyra að við verðum að vinna þetta vel. Það er líka von mín að í þessu frumvarpi sé ekkert sem gefur afslátt á öryggi og heilsu fólks. Bara af því að þetta eru hælisleitendur sem koma erlendis frá, megum við ekki gefa afslátt á slíkum hlutum. Mig langaði í því sambandi líka að benda þeirri nefnd sem fær þetta til sín á að það eru til svokölluð lágmarksviðmið þegar kemur að fólki á flótta. Það er svokölluð Sphere-handbók sem var gefin út síðast 2018, þar sem m.a. er tekið á því hversu margir mega að vera á einum stað, hversu mörg klósett þurfi að vera, hversu mikið vatn þarf að vera aðgengilegt og allt þetta sem skiptir máli.