145. löggjafarþing — 101. fundur, 19. apr. 2016.
fjögurra ára samgönguáætlun 2015--2018.
638. mál
Forseti. Ég þakka hv. þingmanni svörin. Það liggur fyrir, og því hefur ekki verið andmælt í þessari umræðu, að hér eru allt of lágar upphæðir í heildina. Þjóðhagslega er þessi áætlun langt undir öllum viðmiðum og samanburður er nánast á öllum tímum óhagstæður. Mig langar að biðja hv. þingmann að staðfesta þann skilning minn að hún sé reiðubúin til að samþykkja þessa rýru samgönguáætlun óbreytta.