áætlun um vernd og orkunýtingu landsvæða.
Hæstv. forseti. Ég er einn þeirra þingmanna sem hafa beðið spenntir eftir því að fá að hlýða á mál Róberts Marshalls, geri með því þó ekki lítið úr því að ég er jafn spennt ef ekki spenntari að hlusta á ýmsar aðrar ræður sem hafa verið boðaðar í þessari umræðu og vonast til þess að umræðu verði fram haldið. Menn ætla ekki að halda áfram inn í nóttina heyri ég, en þá á morgun. Það verður fróðlegt að fá að eiga orðastað við þingmenn. Ég verð líka svolítið súr þegar því er lýst yfir að þeir þingmenn Sjálfstæðisflokksins sem eru í salnum séu ekki nógu merkilegir til þess að halda smá ræðu yfir. En ég ætla að enda ræðu mína á Gunnarshólma:
Skein yfir landi sól á sumarvegi
og silfurbláan Eyjafjallatind
gullrauðum loga glæsti seint á degi.
Við austur gnæfir sú hin mikla mynd
hátt yfir sveit, og höfði björtu svalar
í himinblámans fagurtæru lind.
Á ég að klára? [Hlátur í þingsal.]