143. löggjafarþing — 115. fundur, 15. maí 2014.
frestun verkfallsaðgerða Félags íslenskra atvinnuflugmanna gegn Icelandair ehf.
600. mál
Forseti. Samkvæmt tölfræðinni hefur á árabilinu 1995–2012 fjórum sinnum verið gripið til þessa sem nú er verið að grípa til, inngrips í verkfall. Þegar deilan varðandi Herjólf var í hámæli vöruðum við píratar við því að þingið gripi inn í og greiddum atkvæði gegn því.
Við munum greiða atkvæði gegn þessari ráðstöfun ríkisstjórnarinnar og ég vona að þessi ríkisstjórn muni ekki setja Íslandsmet í inngripum í verkfallsrétt hérlendis.