Bráðabirgðaútgáfa.
153. löggjafarþing — 116. fundur, 5. júní 2023.
fordæming ólöglegs brottnáms úkraínskra barna.
1122. mál
Herra forseti. Þingflokkur Samfylkingarinnar, eins og aðrir þingflokkar, styður þessa tillögu heils hugar. Það er auðvitað ánægjulegt að íslenska þingið taki ákveðið frumkvæði í máli af þessu tagi. Birtingarmyndir stríðs eru margar óhuggulegar. Þessi er svívirðileg og það er mikilvægt að stjórnvöld fylgi þessari ályktun eftir og hvetji önnur bandalagsríki okkar til að fylgja í kjölfarið.