afskriftir af höfuðstóli lána íslenskra heimila og rekstrarfyrirtækja.
Virðulegi forseti. Þetta er afskaplega dýr aðgerð og hún hefur sáralítil hagræn áhrif til skemmri tíma vegna þess að hún felst fyrst og fremst í lækkun höfuðstóls sem kemur til greiðslu á mjög löngum tíma. Ef kenning hv. þingmanns um þessa brauðmolahagfræði í anda Ronalds Reagans gengi yfir höfuð upp er þetta alveg óskaplega dýr leið til að dreifa brauðmolunum. Það er einfaldlega þannig að ég hef enga trú á að þessi brauðmolakenning sé það sem við eigum að leggja til grundvallar við endurreisn efnahagslífs okkar, að dreifa peningum vítt og breitt til þeirra sem þurfa ekki á meðgjöf að halda. Ég tel að við verðum að nota takmarkaða fjármuni við núverandi aðstæður mjög varlega og það er það sem mun hjálpa okkur best.
Ef við ættum peninga í ríkissjóði gætum við auðvitað gripið til víðtækra skattalækkana og það væri gott að eiga inni núna fyrir skattalækkunum sem voru veittar innstæðulaust á árunum 2005 og 2006.