skráningarskylda félaga til almannaheilla með starfsemi yfir landamæri.

Herra forseti. Ég hef setið hjá við atkvæðagreiðslu um það frumvarp sem hér er til umfjöllunar, um skráningarskyldu félaga til almannaheilla, en ég verð að vera á rauðu núna. Mér finnst þetta vera flaustursleg vinnubrögð. Það sést best á þeim breytingum sem hér hafa verið lagðar fram. Það er verið að leiðrétta mjög einföld mistök, sem bendir til þess að málið sé flausturslega unnið. Ég bendi á eitt annað, t.d. 13. gr. frumvarpsins, þar sem heimild er fyrir dómara að ljúka máli með áminningu. Ég man ekki eftir að hafa séð þetta áður. Á dómari sem sagt að taka mál fyrir, og ef það er ekki nógu slæmt þá veitir hann einhvers konar áminningu? Hvað er þetta? Ég verð að vera á rauðu gagnvart þessu.