skýrsla þingmannanefndar til að fjalla um skýrslu rannsóknarnefndar Alþingis.
Virðulegi forseti. Ég þakka hv. þingmanni fyrir greinargóð og skýr svör því að þetta erum við þingmenn allir sammála um en framkvæmdarvaldið sem nú starfar virðist því miður ekki vera á sama máli. Eins og þingmaðurinn kom inn á, hef ég lagt fram frumvarp um lagaskrifstofu Alþingis. Þegar það frumvarp kom til umfjöllunar í allsherjarnefnd var forsætisráðuneytið búið að skila inn umsögn við frumvarpið þar sem segir orðrétt, með leyfi forseta:
„Ekki er vænlegt að þróa tvær aðskildar lagaskrifstofur annars vegar á vegum Stjórnarráðs Íslands og hins vegar hjá Alþingi með áþekkt hlutverk. Með því væri hætta á ósamræmi, tvíverknaði og bágri nýtingu sérþekkingar.“ [Hlátur í þingsal.]
Frú forseti. Þarna lýsir forsætisráðuneytið því yfir að það ætli ekki að sleppa tökum á löggjafanum með þeim hætti að Alþingi sjálft eigi að setja lögin. Ef hv. þingmaður vill aðeins fara (Forseti hringir.) yfir þetta.