139. löggjafarþing — 166. fundur, 17. sept. 2011.
gjaldeyrismál og tollalög.
788. mál
Virðulegi forseti. Ég ætla að samþykkja framlengingu á hertum gjaldeyrislögum til 2013 í þeirri trú að skipuð verði nefnd sem fái til liðs við sig innlenda og erlenda sérfræðinga til að móta nýja peningastefnu í ljósi þeirra kosta sem þjóðin hefur í gjaldmiðilsmálum.
Því er þannig farið, frú forseti, að það skiptir í raun og veru engu máli hversu lengi við viðhöldum þessum gjaldeyrishöftum á meðan núverandi peningamálastefna er við lýði.