144. löggjafarþing — 20. fundur, 16. okt. 2014.
verslun með áfengi og tóbak o.fl.
17. mál
Herra forseti. Nú er ég ung manneskja og ég tel að það hafi ekki verið veggspjöld sem hafi komið í veg fyrir það að ég misnoti áfengi eða noti sterkara dóp. En ég held líka að samfélagið hafi breyst. Við höfum internetið (Gripið fram í.) þar sem unglingar geta í rauninni séð svart á hvítu með myndum, myndböndum og öðru hvaða áhrif það hefur. Ég held að sjálfsfræðsla mín hafi frekar komið í veg fyrir það að ég eigi við vandamál að stríða en sú fræðsla sem ég fékk í grunnskóla.