fjáraukalög 2007.
Hæstv. forseti. Þar sem laun eru einn stærsti útgjaldaliður hverrar opinberrar stofnunar skiptir auðvitað miklu máli að spáin um launaskrið eða launaþróun láti nokkuð nærri þegar verið er að leggja fram fjárlög á hverju ári. Launaskriðið sem orðið hefur hjá heilbrigðisstofnunum er að mestum hluta vegna spennu á vinnumarkaði og álags sem skapast hefur inni á heilbrigðisstofnunum vegna þess að fólk hefur hreinlega sagt upp og hætt. Einnig hefur verið mikil hreyfing á fólki, borga hefur þurft mikla yfirvinnu og aðkeypta vinnu en það hefur aukist ár frá ári. Ekkert bendir til að mikil breyting verði á því á næsta ári þannig að ég tel að um sé að ræða þróun sem því miður heldur áfram. Auk þess verður að athuga að inni á heilbrigðisstofnunum eru kvennastéttir sem hafa örugglega setið eftir hvað launaskrið varðar.
Rétt er að forstöðumenn gangast undir ákveðnar skyldur en þær hljóta þá að vera í fullu samræmi við raunsæja fjárlagagerð. Sumir horfa nefnilega fram á að á að miðað við fjárlög á næsta ári vantar nokkur (Forseti hringir.) hundruð þúsund krónur upp á (Forseti hringir.) að endar nái saman.