fjárlög 2022.
Forseti. Það er einmitt þessi vítahringur verðbólgunnar og verðtryggingarinnar sem er undir niðri í þessu öllu. Eins og fjallað er um þetta í fjárlagafrumvarpinu, með leyfi forseta:
„Verðbólguþrýstingurinn hefur ekki síst brotist fram í mikilli hækkun húsnæðisverðs.“
Og svo aðeins seinna:
„Húsnæðisverð hefur hækkað hratt umfram ráðstöfunartekjur og skuldir heimila vaxið.“
Og svo er bara búin umfjöllunin um þetta atriði í fjárlögunum. Það er rosalega lítið fjallað um þennan risastóra lið þar sem — sérstaklega eftir aðgerðir ríkisstjórnarinnar í Covid-viðbrögðunum, að hella peningum í eftirspurnina en ekki að tryggja að það sé í rauninni framboð á húsnæði á sama tíma. Ég meina, við tryggjum framboð á póstþjónustu, á orku. Það er sérstök orkuáætlun gerð til að vera viss um að við séum með orku hérna til framtíðaruppbyggingar. Af hverju ekki húsnæði?