áætlun um vernd og orkunýtingu landsvæða.
Hæstv. forseti. Ég þakka þingmanninum skýr svör. Það liggur sem sagt fyrir að þessi þingsályktunartillaga sem við erum hér að ræða var afgreidd með almennum fyrirvara úr þingflokki Vinstrihreyfingarinnar – græns framboðs, með almennum fyrirvara úr þingflokki Framsóknarflokksins og með fyrirvara einstakra þingmanna Sjálfstæðisflokksins um breytingar á tillögunni. Þetta er stjórnarmál. Gott og vel. Það verður áhugavert að fjalla um þetta í hv. umhverfis- og samgöngunefnd. En það er auðvitað rétt hjá hv. þingmanni að til grundvallar mati einstakra þingmanna á kostunum kunna að liggja önnur sjónarmið en eru í þingsályktunartillögunni. En hún byggir á ákveðinni aðferðafræði sem við komum okkur saman um. Það er líka rétt að nýjar upplýsingar kunna að hafa komið fram á síðastliðnum sex árum en þess vegna er enn furðulegra að tillagan sé lögð fram (Forseti hringir.) óbreytt og ekki sé tekið tillit til þeirra nýju kosta og/eða sjónarmiða sem hafa breyst á síðastliðnum sex árum.