fjárlög 2008.
Herra forseti. Það rétt og það er athyglisvert að þingmenn Vinstri hreyfingarinnar – græns framboðs, hvaða kjördæmi svo sem þeir sitja fyrir á hv. Alþingi, lýsa stuðningi við þessa tillögu um að styrkja heilsugæsluna á höfuðborgarsvæðinu meðan þingmenn þeirra íbúa sem heilsugæslan á að þjóna ýmist sitja hjá eins og hv. þingmenn Framsóknarflokksins eða greiða atkvæði gegn þessari sjálfsögðu tillögu. Við skulum muna að með niðurskurðinum er vegið að rótum hins besta í íslensku heilbrigðiskerfi, mæðraverndinni, ungbarnaeftirlitinu, því sem hefur lyft okkur Íslendingum á topp í samanburði í heilbrigðisþjónustu við önnur lönd.
Dagskipunin er greinilega sú að teppaleggja í heilbrigðisþjónustu á höfuðborgarsvæðinu fyrir einkavæðinguna. (Forseti hringir.) Við viljum það ekki. Við leggjum til aðrar leiðir og ég segi já.