ríkisábyrgð á lántöku Tryggingarsjóðs innstæðueigenda og fjárfesta.
Hæstv. forseti. Einn reyndasti þingmaður þessa þings, hæstv. fjármálaráðherra, sagði í þingræðu í gær að við sem stöndum í þessum ræðustól verðum að kannast við okkar eigin orð og bera ábyrgð á þeim það sem eftir er. [Hlátur í þingsal.]
Nú er það svo að Vinstri grænir hafa á hátíðarstundum talað um að þeir hafi ást á beinu lýðræði og að þjóðaratkvæðagreiðslur séu það sem koma skuli og það sem eigi að verða ofan á í stórum málum. En þegar reynir á, frú forseti, virðist ekki vera neitt að marka þessi orð, við erum að upplifa það hér í dag. Ég er hreint undrandi. Hvernig ætli sagan muni dæma orð hæstv. fjármálaráðherra sem áður hefur talað svo fjálglega um þjóðaratkvæðagreiðslur og beint lýðræði? Ég segi já. (Gripið fram í.)