aðildarviðræður við Evrópusambandið.
Virðulegi forseti. Það er ekki einfalt að taka við af þessu næturljóði hv. þm. Össurar Skarphéðinssonar. En mig langar til að taka upp það sem hv. þm. Ragnheiður Ríkharðsdóttir drap á í umræðunni fyrr í kvöld þar sem hún taldi að eina boðlega málsmeðferðin að því er varðar framvindu þessa máls væri að ljúka umfjöllun um skýrsluna í nefnd, koma því svo hingað til þingsins og þá væri komið að því að byggja umræðu um þingsályktunartillöguna á þeirri niðurstöðu. Þetta var mælt af skynsemi og það er ákall mitt til virðulegs forseta að beita sér í þágu uppbyggilegrar málsmeðferðar. Það væri þinginu sannarlega til framdráttar og ég tel að það sé full ástæða til þess áður en við göngum til nýs þingfundar á morgun að þingflokksformenn hittist og ræði með hvaða hætti hægt sé að koma þessu (Forseti hringir.) sem best fyrir þannig að morgundagurinn verði nú ögn gæfulegri en dagurinn í dag.