samningar um ábyrgð á endurgreiðslu Tryggingarsjóðs innstæðueigenda til breska og hollenska ríkisins.
Virðulegi forseti. Lee Buchheit, sem leiddi þá samninga sem nú eru greidd atkvæði um, telur ólíklegt að hægt sé að fá betri samninga og valið standi á milli þessa samnings og dómsmáls sem gæti tapast með skelfilegum afleiðingum. Að því hafa verið leiddar líkur með sannfærandi rökum að fari málið fyrir dómstóla gæti reikningurinn á íslenska ríkið orðið 1.100–1.200 milljarðar kr. auk vaxta en á móti kæmu endurheimtur úr búi Landsbankans. Ljóst er líka að nokkur ár tæki að leysa málið fyrir dómstólum.
Þeir sem hafna þessum samningi tefla því þjóðarhag í mikla tvísýnu. Það er orðið löngu tímabært að leiða til lykta þetta hörmulega mál sem klofið hefur þjóðina í fylkingar, spillt samskiptum okkar við umheiminn og valdið miklum töfum í efnahagslegri endurreisn landsins.