146. löggjafarþing — 76. fundur, 31. maí 2017.
lyfjastefna til ársins 2022.
372. mál
Frú forseti. Eins og ég hef áður nefnt hér í pontu kemur fram í skýrslu OECD að hlutfall ríkisins í lyfjakostnaði er með því lægsta sem gerist í aðildarríkjum OECD. Ég fagna því sérstaklega þeirri niðurstöðu nefndarinnar að mikilvægt hafi verið að bæta inn í þessa stefnu að tryggja að Sjúkratryggingar Íslands taki virkan þátt í lyfjakostnaði notenda og unnið sé að því að koma í veg fyrir að einhverjir þurfi að neita sér um nauðsynleg lyf af fjárhagsástæðum.