fjármálaáætlun fyrir árin 2024--2028.
Nú verður tekið aftur til við fyrri umræðu um fjármálaáætlun fyrir árin 2024–2028. Í dag munu fagráðherrar taka þátt í umræðum um málaflokka á þeirra málefnasviði. Um klukkustund verður áætluð fyrir hvern ráðherra þannig að ráðherrann hefur fimm mínútur í upphafi en síðan tvær mínútur í fyrra sinn og tvær mínútur í seinna sinn. Þingmenn, einn úr hverjum flokki að undanskildum flokki viðkomandi ráðherra, hafa tvær mínútur í fyrra sinn og tvær mínútur í seinna sinn. Andsvör verða ekki leyfð.