Útlendingar og atvinnuréttindi útlendinga
602. mál á 151. löggjafarþingi.
Dómsmálaráðherra.
Markmið
Að stuðla að gagnsærri og stöðugri framkvæmd laganna, auka skilvirkni og stytta málsmeðferðartíma til hagsbóta fyrir umsækjendur um alþjóðlega vernd og dvalarleyfi. Að bæta meðferð opinbers fjár.Helstu breytingar og nýjungar
Með frumvarpinu er brugðist við ábendingum frá Útlendingastofnun, kærunefnd útlendingamála og eftirlitsnefnd Schengen. Auk þess þykir býnt að bregðast við fjölgun umsækjenda sem þegar hafa hlotið alþjóðlega vernd í öðrum Evrópuríkjum. Á meðal þeirra álitaefna sem frumvarpinu er ætlað að taka á eru atriði er snerta forgangsmeðferð tilhæfulausra umsókna, málsmeðferðartími umsókna barna um alþjóðlega vernd, hvenær taka skuli umsókn um alþjóðlega vernd til efnislegrar meðferðar, hlutverk Barnaverndarstofu við veitingu alþjóðlegrar verndar fyrir fylgdarlaus börn sem sækja um slíka vernd hér á landi, orðalag útilokunarástæðna við ákvörðun um ríkisfangsleysi, réttindi og skyldur flóttafólks sem kemur til landsins í boði íslenskra stjórnvalda, fjölskyldusameiningu flóttafólks, afturköllun verndar sem veitt er á grundvelli slíkrar sameiningar, hvenær veita beri þjónustu sem umsækjendur um alþjóðlega vernd eiga rétt á skv. 33. gr. laga um útlendinga og hvenær hún eigi að falla niður.Breytingar á lögum og tengd mál
Lög um útlendinga, nr. 80/2016.- Endurflutt: útlendingar og atvinnuréttindi útlendinga, 717. mál (dómsmálaráðherra) á 150. þingi (11.04.2020)
- Endurflutt: útlendingar, 838. mál (dómsmálaráðherra) á 149. þingi (10.04.2019)
- Skylt mál: Dvalar- og atvinnuréttindi fyrir ungt fólk, 314. mál (HSK) á 152. þingi (03.02.2022)
- Skylt mál: Atvinnuréttindi útlendinga, 482. mál (félags- og vinnumarkaðsráðherra) á 152. þingi (22.03.2022)
- Skylt mál: útlendingar og atvinnuréttindi útlendinga, 597. mál (dómsmálaráðherra) á 152. þingi (01.04.2022)
- Skylt mál: útlendingar, 944. mál (dómsmálaráðherra) á 153. þingi (30.03.2023)