Alþingi býður í heimsókn 14. september
Almenningi gefst kostur á að skoða Alþingishúsið og Smiðju, nýja skrifstofubyggingu Alþingis, laugardaginn 14. september. Nauðsynlegt er að skrá sig fyrirfram í leiðsögn um Alþingishúsið en ekki þarf að skrá sig í heimsókn í Smiðju.
Viðburðirnir eru liðir í dagskrá 80 ára afmælis lýðveldisins.
Opið hús í Smiðju kl. 14–17
Opið hús verður á fyrstu hæð Smiðju kl. 14–17. Til sýnis verða munir sem fundust við fornleifarannsóknir á Alþingisreit áður en húsið var byggt og fjölbreytt fræðslu- og kynningarefni verður sýnt á skjám. Forseti Alþingis og fleiri þingmenn verða á staðnum.
Gengið er inn um aðalinngang Smiðju á horni Tjarnargötu og Vonarstrætis. Ekki þarf að bóka sig sérstaklega í opna húsið.
Leiðsögn í Alþingishúsinu kl. 9–12 og 14–17 (bókað fyrirfram)
Jafnframt verður boðið upp á leiðsögn um Alþingishúsið kl. 9–12 og 14–17. Hleypt er inn í leiðsögn um þinghúsið á 20 mínútna fresti, hámark 35 manns í senn, og tekur hver leiðsögn 30 mínútur.
Gengið er inn um aðalinnganginn í Skála, við hlið Alþingishússins. Nauðsynlegt er að skrá sig fyrirfram.
Skráning í leiðsögn
