Undirbúningsnefnd fyrir rannsókn kjörbréfa
Í samræmi við 3. mgr. 1. gr. þingskapa hefur starfandi forseti Alþingis falið nefnd níu kjörinna alþingismanna að undirbúa þá rannsókn kjörbréfa sem fer fram á þingsetningarfundi. Nefndarmenn eru tilnefndir af þingflokkunum.
Skipað er í nefndina á grundvelli hlutfallsreglu 82. gr. þingskapa, þ.e. beitt er þeirri aðferð sem er kennd er við d'Hondt. Þingflokkum sem þannig fá ekki fulltrúa í nefndina er heimilt að tilnefna áheyrnarfulltrúa. Jafnframt skal þess gætt að hlutfall kvenna og karla sé sem jafnast.
Í undirbúningsnefnd fyrir rannsókn kjörbréfa eiga sæti (raðað eftir hlutatölu flokka):
- Birgir Ármannsson, Sjálfstæðisflokki,
- Líneik Anna Sævarsdóttir, Framsóknarflokki,
- Svandís Svavarsdóttir, Vinstrihreyfingunni – grænu framboði,
- Diljá Mist Einarsdóttir, Sjálfstæðisflokki,
- Jóhann Friðrik Friðriksson, Framsóknarflokki,
- Þórunn Sveinbjarnardóttir, Samfylkingu,
- Inga Sæland, Fólki flokksins,
- Björn Leví Gunnarsson, Pírötum,
- Vilhjálmur Árnason, Sjálfstæðisflokki.
Þá hefur Viðreisn tilnefnt Hönnu Katrínu Friðriksson sem áheyrnarfulltrúa. Tilnefning áheyrnarfulltrúa hefur ekki borist frá þingflokki Miðflokksins.