Þingfundum 154. löggjafarþings var frestað 23. júní 2024. Þingið var að störfum frá 12. september til 16. desember 2023 og frá 22. janúar til 23. júní 2024. Þingfundir voru samtals 131 og stóðu í rúmar 649 klst. Meðallengd þingfunda var 4 klst. og 55 mín. Lengsti þingfundur stóð í 15 klst. og 43 mín.

Óundirbúnar fyrirspurnir til ráðherra verða á dagskrá fimmtudaginn 20. júní kl. 10:30. Þá verða til svara forsætisráðherra, innviðaráðherra, menningar- og viðskiptaráðherra og háskóla-, iðnaðar og nýsköpunarráðherra.

Óundirbúnar fyrirspurnir til ráðherra verða á dagskrá þriðjudaginn 18. júní kl. 13:30. Þá verða til svara fjármála- og efnahagsráðherra, umhverfis-, orku- og loftslagsráðherra, utanríkisráðherra, heilbrigðisráðherra og dómsmálaráðherra.

Forseti Alþingis greindi frá því við upphaf þingfundar að starfsáætlun 154. löggjafarþings falli úr gildi frá og með deginum í dag, 14. júní. Þingfundir og nefndarfundir verða haldnir næstu daga eftir því sem þörf verður á.

Starfsáætlun fyrir 155. löggjafarþing (2024 –2025) hefur verið samþykkt af forsætisnefnd. Þingsetning verður þriðjudaginn 10. september og stefnuræða forsætisráðherra og umræður um hana að kvöldi miðvikudagsins 11. september.

Almennar stjórnmálaumræður (eldhúsdagsumræður) fara fram á Alþingi miðvikudaginn 12. júní og verða sendar út í útvarpi og sjónvarpi. Umræðurnar hefjast kl. 19:40, skiptast í tvær umferðir og hefur hver þingflokkur átta mínútur í fyrri umferð og fimm mínútur í seinni umferð.

Sérstök umræða um forvarnir og lýðheilsu þegar horft er til aukins aðgengis að áfengi verður þriðjudaginn 11. júní um kl. 14. Málshefjandi er Jódís Skúladóttir og til andsvara verður heilbrigðisráðherra, Willum Þór Þórsson.

Þingskjali útbýtt utan þingfunda laugardaginn 8. júní kl. 11:20

Óundirbúnar fyrirspurnir til ráðherra verða á dagskrá fimmtudaginn 13. júní kl. 10:30. Þá verða til svara forsætisráðherra, fjármála- og efnahagsráðherra, menningar- og viðskiptaráðherra, mennta- og barnamálaráðherra, háskóla-, iðnaðar og nýsköpunarráðherra og matvælaráðherra.

Óundirbúnar fyrirspurnir til ráðherra verða á dagskrá mánudaginn 10. júní kl. 15:00. Þá verða til svara félags- og vinnumarkaðsráðherra, innviðaráðherra, umhverfis-, orku- og loftslagsráðherra, utanríkisráðherra, heilbrigðisráðherra, dómsmálaráðherra og matvælaráðherra.

Forseti tilkynnti við upphaf þingfundar í dag um breytingar á starfsáætlun þannig að föstudagurinn 7. júní verður nefndadagur en ekki þingfundadagur.

Sérstök umræða um nám í hamfarafræðum á háskólastigi verður fimmtudaginn 6. júní um kl. 11:00. Málshefjandi er Ásmundur Friðriksson og til andsvara verður háskóla-, iðnaðar- og nýsköpunarráðherra Áslaug Arna Sigurbjörnsdóttir.

Þingskjölum útbýtt utan þingfunda laugardaginn 1. júní kl. 17:20

Óundirbúnar fyrirspurnir til ráðherra verða á dagskrá mánudaginn 6. júní kl. 10:30. Þá verða til svara fjármála- og efnahagsráðherra, mennta- og barnamálaráðherra, háskóla-, iðnaðar og nýsköpunarráðherra og matvælaráðherra.

Óundirbúnar fyrirspurnir til ráðherra verða á dagskrá mánudaginn 3. júní kl. 15:00. Þá verða til svara forsætisráðherra, utanríkisráðherra, félags- og vinnumarkaðsráðherra, innviðaráðherra, umhverfis-, orku- og loftslagsráðherra, menningar- og viðskiptaráðherra, heilbrigðisráðherra og dómsmálaráðherra.  

Samkvæmt starfsáætlun þingsins verða engir þingfundir síðustu tvær vikurnar í maí vegna forsetakosninganna 1. júní.

Sérstök umræða um fjarskipti í dreifbýli verður föstudaginn 17. maí um kl. 11:00. Málshefjandi er Lilja Rannveig Sigurgeirsdóttir og til andsvara verður háskóla-, iðnaðar- og nýsköpunarráðherra Áslaug Arna Sigurbjörnsdóttir.

Sérstök umræða verður um stöðu Heilsugæslu höfuðborgarsvæðisins fimmtudaginn 16. maí um kl. 11:00. Málshefjandi er Hanna Katrín Friðriksson og til andsvara verður heilbrigðisráðherra Willum Þór Þórsson. 

Forseti hefur í samráði við forsætisnefnd og formenn þingflokka ákveðið að miðvikudagurinn 15. maí verði nefndadagur.