[15:34]
Vilhjálmur Ingi Árnason:
Herra forseti. Ég beini máli mínu til hæstv. félmrh. Fram hefur komið í opinberri umræðu að undanförnu að nokkrar sveitarstjórnir hafa hlutast til um að byggðar hafi verið óeðlilega margar og dýrar íbúðir í viðkomandi sveitarfélagi með fjármagni úr húsnæðiskerfinu að því er virðist einkum til að halda uppi atvinnu án tillits til raunverulegra þarfa. Meðal annars hefur komið fram í dagblaðagreinum eftir húsnæðisnefndar- og sveitarstjórnarmenn að slík vinnubrögð séu viðhöfð. Ég spyr því: Ætlar hæstv. félmrh. að hlutast til um að kannað verði hvort fullyrðingar um misnotkun í húsnæðiskerfinu eigi við rök að styðjast?