[13:44]
Vilhjálmur Egilsson:
Hæstv. forseti. Mér þótti dálítið einkennilegt hvernig alþýðuflokksmenn höfðu sérstaka skoðun á þessu máli og síðan var ákveðin sameiningarumræða milli Alþfl. og hv. þm. Ágústs Einarssonar. En fyrst málið er þannig vaxið að það sé hugsanlega hægt að ganga þarna lengra í sameiningarátt á þessu sviði, þá gæti verið viturlegra að geyma það að taka afstöðu til þessarar tillögu eða ræða hana um nokkra stund meðan viðræður geta farið fram um þessa mál. (JBH: Þetta er smekklaust af hv. formanni efh.- og viðskn.) (Gripið fram í: Hann er smekklaus hvort sem er.)