Ögmundur Jónasson:
Hæstv. forseti. Tveggja prósentna þak á þóknunum í fasteignaviðskiptum hefur reynst góð vörn fyrir neytendur. Þar með hefur ekki verið lokað á samkeppni. Hún hefur getað farið fram innan þessara marka. Meiri hluti allshn. hefur látið undan þrýstingi fasteignasala sem vilja fá meira í sinn hlut. Minni hlutinn tekur hins vegar afstöðu með neytendum. Við tökum afstöðu með kaupendum. Við viljum stilla verðlagi í hóf og við viljum ekki láta undan þrýstingi fasteignasala. Við segjum nei.