![](http://www.althingi.is/myndir/althlit.gif)
Guðný Guðbjörnsdóttir (andsvar):
Virðulegur forseti. Það er rétt að þetta eru þingmannamál en þetta eru allt mál stjórnarþingmanna nema þessi tvö sem ég nefndi áðan, auk lögræðislaganna. Mér vitanlega var engin viðbót í þessari upptalningu. En það er rétt og ég vil staðfesta það að mjög mikið álag hefur verið í nefndinni enda sagði ég það í minni fyrri ræðu áðan að formaðurinn notaði það sem afsökun fyrir því að þingmannamál væru ekki tekin fyrir.