Samgönguráðherra (Halldór Blöndal):
Herra forseti. Mér er töluverður vandi á höndum. Hv. þm. er með tvær fyrirspurnir á þskj. 97 og 98 sem koma inn á sama efnið og það önuglyndi sem hv. fyrirspyrjandi sýndi er auðvitað ástæðulaust því að svar við því sem kom fram í fyrirspurninni mun verða gefið þegar síðari fyrirspurnin er rædd. Það má kannski beina því til forseta þingsins, hvort ekki sé rétt ef fyrirspurnir eru jafnskyldar og á þessum tveimur þingskjölum að þær séu bornar fram í einu lagi eða fyrirspurnirnar a.m.k. ræddar sameiginlega.
(Forseti (GÁS): Vegna orða hæstv. samgrh., þá kom það til álita en þetta varð nú niðurstaða máls.)