[prenta uppsett í dálka] 72. fundur, 122. lþ.
Árni Johnsen (andsvar):
Hæstv. forseti. Það er leitt að heyra að hv. 1. flm. frv. skuli ekki viðurkenna hið aulalega orðalag í þessu frv. Þarna er slök meðferð á íslensku máli. Ég nenni svo sem ekki að elta ólar við það. Ég vildi aðeins vekja athygli á þessu eina atriði hér í þessari umræðu. Það skiptir máli og veldur misskilningi eins og það er. Það mætti beinlínis túlka það öfugt við merkingu þess sé miðað við orð hv. 1. flm.
